Heroi i kombit, Agim Ramadani, udhëhoqi një ndër betejat më të lavdishme të Ushtrisë Çlirimtare të Kosovës.

Beteja e Koshares e zhvilluar më 9 prill 1999 shembi murin 100 vjeçar të vendosur ndërmjet Kosovës e Shqipërisë.

Për më shumë se gjashtë orë luftime të 120 luftëtarëve të UÇK-së, u arrit të shkatërrohej baza ushtarake serbe në Koshare.

Pas më shumë se 21 vjetëve, dikujt në Serbi ju kujtua tmerri që përjetuan në Koshare nga shqiptarët.

Serbët që u paraqitën në një video se kinse hoqën flamurin shqiptarë në Kullën e Vrojtimit del të jetë veçse një FAKENEWS.

Ata e kanë publikuar edhe një fotografi me pretendimin se gjoja e kanë ripushtuar Kazermën e Kosharës, prap me 10 tetor 2020.

Ish-luftëtari i Birgadës 138 ‘Agim Ramadani’, Nexhdet Sadiku, ka dëgjuar për lajmin e heqjes së flamurit dhe ka marrë rrugën për të vendosur edhe flamurin e tretë aty.

Në Junik banorët janë të frikësuar të flasin, por prapa kamerave thonë se u janë prezantuar si gazetarë amerikan dhe po kërkojnë ish-ushtarë të UÇK-së, që dinë terrenin për t’i drejtuar në Koshare.

Për këtë kishte raportuar edhe portali arbresh.info më 10 tetor, por institucionet e sigurisë, portali merr vesh se nuk kanë arritur të identifikojnë personat.

Komuna e Junikut pavarësisht se premtoi për një prononcim në lidhje më këtë çështje, pas më shumë se dy orë pritjeje refuzoi të flasë me arsyetimin se institucionet e sigurisë po merren me rastin.

Policia e Kosovës po qëndron në Kullën e Vrojtimit në Koshare për të përcjellur situatën në lidhje me raportimet./Elmedina Ballazhi/arbresh.info/

https://www.facebook.com/841111159287311/videos/4629612920447348